Meddwl Creadigol mewn Dysgu Gweithredol

Beth yw Dysgu Gweithredol?

Dull strwythuredig yn seiliedig ar ymholi yw Dysgu Gweithredol, lle mae unigolion yn cydweithio mewn grwpiau bychain (Setiau Dysgu Gweithredol) i fynd i’r afael â sialensiau dybryd. Trwy gylchoedd o gwestiynu, myfyrio a gweithredu, mae’r cyfranogwyr yn datblygu atebion wrth fireinio eu sgiliau arwain eu hunain.

Mae’r dull yma’n cyd-fynd yn naturiol â model ein pump Arfer Creadigol, gan feithrin diwylliant o greadigrwydd, arloesi, a dysgu parhaus. O’u cyfuno, mae Dysgu Gweithredol a’r Arferion Creadigol yn eu cydategu ei gilydd – mae’r fframwaith Dysgu Gweithredol yn caniatáu i’r arferion hyn gael eu modelu a’u hymarfer, ac mae’r arferion yn sicrhau meddwl agored, ymholi dwys, a ffordd arloesol o feddwl yn y broses ddysgu.

Amodau a Chydweithio

Mae Dysgu Gweithredol yn creu lle diogel ac agored ar gyfer dialog, lle gall arweinwyr ysgolion ac athrawon fyfyrio’n ddwfn, manteisio ar ddeallusrwydd cyfunol, a thaclo sialensiau gyda’i gilydd. Mae’r peth wedi ei adeiladu ar ymddiriedaeth a chydweithio, lle mae arweinwyr yn eu cefnogi ei gilydd, yn gwrando’n ymarferol, ac yn herio ffyrdd o feddwl mewn ffordd adeiladol.

Mae’r broses yma’n chwalu rhwystrau, yn meithrin ymddiriedaeth ac mae’r safbwyntiau amrywiol yn sbarduno gweithredu, gan yrru newid effeithiol a pharhaus mewn ysgolion.

Chwilfrydig a Dychmygus

Wrth galon Dysgu Gweithredol mae ymholi - sef y grefft o ofyn cwestiynau agored a mwy dwys, herio rhagdybiaethau a datgloi syniadau newydd. Yn ein sesiwn, fe weithion ni fel cyfeillion chwilfrydig, gan wthio’r tu hwnt i’r arwynebol ac archwilio’r pam a’r cyd-destun y tu ôl i’r rhwystredigaeth.

Mae’r dull yma o weithredu’n meithrin y dychymyg, gan ymbweru’r cyfranogwyr i fynd y tu hwnt i feddwl confensiynol, a chwarae gyda phosibiliadau newydd, gyda chyfloed i weld y byd mewn ffordd wahanol a sbarduno atebion creadigol.

Dyfalbarhaus

Proses o fyfyrio, ailadrodd a thyfu’n barhaus yw Dysgu Gweithredol. Mae’n cofleidio ansicrwydd a rhwystrau fel cyfleoedd dysgu gwerthfawr. Yn yr un modd ag Arfer Creadigol dyfalbarhad, mae’r dull yma’n annog arweinwyr i ddal ati i fireinio syniadau, profi atebion, a datblygu gwytnwch – sef nodweddion allweddol arweinyddiaeth greadigol. 

Disgybledig

Mae Dysgu Gweithredol yn pwysleisio ac yn hyrwyddo cwestiynu strwythuredig a’r arfer greadigol o fyfyrio’n feirniadol, wrth i weithredoedd gael eu dadansoddi, eu mireinio a’u gwella yn seiliedig ar yr hyn a ddysgwyd o’u rhoi ar waith. Mae’r cylch gweithredu-myfyrio strwythuredig yma’n gofyn am ymdrech barhaus, gwerthuso beirniadol, a rhoi syniadau ar waith mewn ffordd ystyrlon – sy’n elfennau hanfodol wrth wneud gwelliannau cynaliadwy a sefydlu creadigrwydd mewn ysgolion.

Sut gallech chi roi’r dull yma o weithredu ar waith?

• Meddyliwch am sialens gyfredol yn eich ysgol - sut gallai meddwl creadigol trwy ddysgu gweithredol gyda chydweithwyr rydych chi'n ymddiried ynddynt droi'r sialens yma'n gyfle i arloesi?
• Dychmygwch petai pob adran yn eich ysgol yn defnyddio egwyddorion meddwl creadigol a Dysgu Gweithredol - pa bosibiliadau a newidiadau diwylliannol fyddech chi’n eu rhagweld yn deillio o hynny?

Ymunwch â ni ar gyfer y sesiwn Dysgu Gweithredol nesaf!

Ydych chi’n arweinydd ysgol neu athrawon yn y cyfnod uwchradd sydd am archwilio a phrofi sut y gall Dysgu Gweithredol gynorthwyo meddwl creadigol mewn ysgolion? Ymunwch yn y sesiwn Dysgu Gweithredol ar lein nesaf y mis Ebrill yma!

• Ebostiwch: andrea.mercer@cceengland.org i gofrestru eich diddordeb.
• Neu: Cofrestrwch ar gyfer ein newyddlen i fod gyda’r cyntaf i wybod pryd y bydd y sesiwn yn mynd yn fyw.

Cadwch eich lle ac ymunwch â chymuned o arweinwyr ysgol blaengar sydd wedi ymrwymo i yrru newid creadigol.